Welcome to FMHACA

በመሻሻል ላይ ያለው  የባለስልጣን መሥሪያቤቱ ረቂቅ አዋጅ ላይ ከፌዴራል መስሪያ ቤቶች በተውጣጡና በባለድርሻ አካላት ውይይት ተደረገበት፡፡

በመሻሻል ላይ ያለው  የምግብ ፣የመድኃኒት እና የጤና ክብካቤ አስተዳደር እና ቁጥጥር አዋጅ ውይይት ተደረገበት፡፡
የባለስልጣን መስሪያ ቤቱ  አዋጅ ቁጥጥር 661/2002 የግልጽነት እና የድንጋጌ ችግሮች ስላሉበት ተሻሽሎ ጉዳዩ ከሚመለከታቸው የፌዴራል የመንግሥት መስሪያ ቤቶች እና ከሌሎች ባለድርሻ አካላት ጋር በግሎባል ሆቴል ውይይት እየተደረገበት ነው፡፡

የመክፈቻ ንግግር ያደረጉት የባለስልጣን መስሪያ ቤቱ ዋና ዳይሬክተር አቶ የሁሉ ደነቀው እንደገለጹት አዋጁን ለማሻሻል ያስፈለገበት ዋናው ምክንያት የትርጉም፣ የግልፅነት፣ የድንጋጌ ክፍተቶች እንዲሁም ተመሳሳይ ሥራዎችን የሚሠሩ መሥሪያ ቤቶች የሚያስተዳድሯቸው ሕጎች በአብዛኛው ከህብረተሰብ ጤና ቁጥጥር ጋር በተያያዘ የኃላፊነተት መደራረብ በመኖሩ፤ እንዲሁም የሃገራችን ኢኮኖሚ እያደገ  መምጣቱ እና አዳዲስ የፌዴራል የመንግሥት መሥሪያ ቤቶች እየተቋቋሙ በመምጣታቸው አዋጁን ለማሻሻልና ለመለወጥ ማስፈለጉን ገልጸው እያንዳንዱ የመንግስት ተቋም የሚሰጠው አስተያየት የተሻሻለውን ረቂቅ አዋጅ ለማጥራት ወሳኝ መሆኑን አስታውቀዋል፡፡

በአጠቃላይ በባለሥልጣን መሥሪያ ቤቱ የጤና ሕግ አማካሪ የሆኑት አቶ ደረጄ ሽመልስ የአዲሱ የጤና ቁጥጥር የረቂቅ አዋጅ  ዋና ዋና የድንጋጌ ሐሳቦችን ለተሰብሳቢው ያቀረቡ ሲሆን ለሁለት ቀን በሚቆየው የውይይት መድረክ ግብአት የሚሆኑ ምክረ ሐሳቦች እንደሚገኙ ተገልጿል፡፡

 

 

 

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.