Welcome to FMHACA

በፓስፊክ ኢንዱስትሪዎች ኃላ/የተ/የግ/ማህበር የተመረቱ ኤክሴል ኦሬጅ ጁስ እና ማርች ማንጎ ጁስ የተሠኙ ምርቶች ለጤና ገጂ መሆናቸው ባለሥልጣን መሥሪያቤቱ አሳሰበ፡፡

የኤክሴል ኦሬንጅ ጁስ

የኢትዮጵያ የምግብ የመድኃኒት እና የጤና ክብካቤ አስተዳደር እና ቁጥጥር ባለሥልጣን ከህብረተሰብ በደረሰው ጥቆማ መሠረት ባደረገው ድንገተኛ የድህረ ገበያ ጥናት ፓስፊክ ኢንድስትሪዎች የተሰኘ አንድ የግል ማህበር የሚያመርታቸው ኤክሴል ኦሬንጅ ጁስ እና ማርች ማንጎ ጁስ ለጤና ጎጂ መሆናቸውን አረጋገጠ፡፡ በተጨማሪም በምርቶቹ ላይ በተደረገው የላብራቶሪ ፍተሻ ለጤና ተስማሚ አለመሆናቸው በመመረጋገጡ እና ለህብረተሰባችን ጤናም ጎጂ መሆናቸው ባለሥልጣን መስሪያቤቱ ገልጿል፡፡ ድርጅቱ ከዚህ በፊት በተመሳሳይ ችግር ምርቱ ገበያ ላይ እንዳይውል የተደረገ እና ከገበያም እንዲሰበሰብ ተደርጎ የነበረ መሆኑ አሥታውሶ አሁንም ተመለሳሳይ ችግር እየፈጠረ መሆኑን አሥታውቋል፡፡ ይህ ድርጅት ከባለሥልጣን መስሪያ ቤቱ ምንም አይነት የብቃት ማረጋገጫ ያልተሰጠው መሆኑን
በማስታወስ ምርቱ ተመርምሮ የሀገሪቱን የምግብ ደህንነትና ጥራት መስፈርት የማያሟላ እንዲሁም ለጤናም ጎጂና አደገኛ መሆኑን በማረጋገጥ እነዚህን ምርቶች ማንኛውም ህብረተሰብ እንዳይጠቀም አበክሮ አሳስቧል፡፡ በተጨማሪም ባለሥልጣን መስሪያ ቤቱ በአዋጅ በተሠጠው ሥልጣንና ኃላፊነት መሰረት እነዚህን የተከለከሉ ምርቶች ሲሸጥ፣ ሲያጓጉዝ ወይም ሲያከፋፍል የተገኘን ማንኛውም ግለሰብም ሆነ ድርጅት ላይ እርምጃ የሚወስድ እና አጥፊዎችንም በህግ የሚጠይቅ መሆኑን አስታውቋል፡፡ ይህን መሰል ህገወጥ ተግባራት እና ማንኛውንም የህገወጥ የምግብ የመድኃኒትና የጤና አገልግሎቶች ሲያጋጥም ህብረተሰቡም በአካባበው ላለ የህግ እና የጤና ተቆጣጣሪ አካላት እንዲሁም በፌዴራል ደረጃ በነፃ የስልክ መስመር በ 8482 በመደወል ህገወጦችን በጋራ እንዲከላከል ባለሥልጣን መሥሪያ ቤቱ አሳስቧል፡፡

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.