Welcome to FMHACA

36,038,956.29 ሚሊዮን ብር የሚገመት መድኃኒት፣ ምግብ፣ የውበት እና ፅዳት መጠበቂያ ምርቶች በቁጥጥር ሥር በማዋል እንዲወገዱ ተደረገ ፡፡

የባለሥልጣን መስሪያ ቤቱ በ2008 በጀት ዓመት በሥድስት ቅርንጫፍ ጽ/ቤቶችና 18 መግቢያ መውጫ ኬላዎችን፣ የህዝብ ጥቆማ እና ድንገተኛ አሠሳ በማድረግ በሕገወጥ መንገድ ወደ ሀገር ውስጥ ሊገቡ የነበሩ የምግብ፣ የመድኃኒት፣የውበት መጠበቂያ እና የጽዳት ግብአቶችን በህብረተሰቡ ላይ ከፍተኛ የጤና ጉዳት የሚያስከትሉ ሆነው ሥላገኛቸው በቁጥጥር ሥር በማዋል እርምጃ መወሰዱን አስታወቀ፡፡

በጤና ቁጥጥር ወቅት የተያዙ የመጠቀሚያ ጊዜ ያለፈባቸው ምግቦች

የባለሥልጣን መሥሪያቤቱ የእቅድና ፕሮጀክት ማስተባበሪያ ዳይሬክቶሬት ዳይሬክተር ወ/ሮ አለም ወርቅ እሸቴ ለህዝብ ክንፍ አካላት እና ለጤና ሙያ ማህበራት ባደረጉት ማብራሪያ ወደ 794 የምግብ፣ መድኃኒትና ጤና ነክ ተቋማት ላይ የጽሑፍ ማስጠንቀቂያ፣ ማሸግ፣ እገዳና ፈቃድ ስረዛ እርምጃ የተወሰደ ሲሆን ወደ 54 የሚሆኑ ግለሰቦች ለህግ ቀርበው ፍርድ የተሰጠባቸውና በመጠባበቅ ላይ ያሉ ናቸው ብለዋል፡፡

በተጨማሪም 203.62 ቶን ህገወጥ የሆኑ ምርቶችን በመውረስ የተወገደ መሆኑን በመግለፅ 10,856,882.93 ብር የሚገመት በተለያየ መልክ የተበላሹ ምግቦች አስፈላጊውን መስፈርት ያላማሉ ሆነው ተገኝተዋል፡፡ በመሆኑም ጥቅም ላይ እንዳይዉሉ መደረጉ ተገልጿል፡፡ በተሰጠው ትንታኔ መሰረት በትንሹ 11.1 ሚሊዮን ህዝብ ጥራቱና ደህንነቱ በተጓደለ ምግብ ምክንያት ሊደርስበት ከሚችለው የጤንነት መጓደል መጠበቁን ባለሥልጣን መስሪያቤቱ አስታውቋል፡፡

እንዲሁም 21,589,221 ብር የሚገመት መድኃኒት፣ 3,592,852.36 ብር የሚያወጣ ኮስሞቲክስ እና 16 ቶን ሂና አስፈላጊውን መስፈርት ያላሟሉ በመሆኑ አገልግሎት ላይ አንዳይውሉ መወገዳቸው ተገልጿል፡፡ በተያያዘ ዜና በበጀት አመቱ 8.7 ቢሊዮን ብር የተገዛ መድኃኒት ወደ ሀገር ውስጥ የገባ ሲሆን ወደ 21.5 ሚሊዮን ብር የሚገመት መድኃኒት መስፈርት ያላሟላ በመሆኑ መወገዱ እና 222,000 ሺህ ህዝብ ደህንነትና ፈዋሽነት ከጎደለው መድኃኒት መጠበቁ ተገልጿል፡፡

በአጠቃላይ በበጀት ዓመቱ ባለሥልጣን መስሪያ ቤቱ 36,038,956.29 ሚሊዮን ብር የሚገመት መድኃኒት፣ ምግብ፣ የመውበት እና ጽዳት መጠበቂያ ምርቶች በቁጥጥር ስር ያዋለው በህዝብ ተሳትፎ መሆኑን በመግለጽ፤ ህብረተሰቡ እራሱን የቁጥጥሩ ባለቤት በማድረግ እና በቅርቡ ከሚገኙ የጤና ቁጥጥር እና የህግ አካላት ጋር በመስራት በ2009 በጀት ዓመት ህገወጦችን ለመቆጣጠር በርብርብ መስራት እንዳለበት አሣስበዋል፡፡

 

 

 

 

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.