Welcome to FMHACA

ባለስልጣን መሥሪያቤቱ በ14 የምግብ ፋብሪካዎች ላይ ማስተካከያ እርምጃ ወሰደ፡፡

የኢትዮጵያ የምግብ የመድኃኒት እና የጤና ክብካቤ አስተዳደር እና ቁጥጥር ባሥልጣን በምግብ ፋብሪካዎች ላይ ቅድመ ፈቃድ እና ድኅረ ፈቃድ ኢንስፔክሽን በማካሄድ ባሳለፍነው ሶስት ወራት በፋብሪካዎቹ ላይ የተለያየ የማስተካከያ እርምጃ ተወስዷል፡፡
የባለሥልጣን መስሪያ ቤቱ የምግብ ጤናና ጤና ነክ ዳይሬክቶሬት እንዳስታወቀው 25 የሚጠጉ የምግብ ፋብሪካዎች የመልካም አመራረት ኦዲቲግ ኢንስፔክሽን የተከናወነ ሲሆን ፋብሪካዎቹ ያለባቸውን ክፍተቶች በመለየት እና እንዲያስተካክሉ በማድረግ የምግብ ጥራት ደህንነትን የማስጠበቅ ስራ መሰራቱ ተገልጿል፡፡

በተጨማሪም ከሕዝብ ወደ ባለሥልጣን መስሪያቤቱ የመጡ ጥቆማዎችን መሠረት በማድረግ በተከሄደ ድንገተኛ ቅኝት/ኢንስፔክሽን/ በ14 የምግብ ፋብሪካዎች ላይ ምርት በማቆም ማስተካከያ እንዲያርጉ፣ ምርታቸውን ከገበያ እንዲሰበስቡ እና አምርተው ወደ ገበያ እንዳያቀርቡ እገዳ በመጣል እርምጃ መወሰዱ ታውቋል፡፡ 
በማጠቃለልም በባለሥልጣን መሥሪያ ቤቱ በአዲስ እና በነባር 36 የምግብ ፋብሪካዎች ላይ የመልካም አመራረት ቅኝት/ኢንስፔክሽን/ በማድረግ የምግብ ጥራት ደህንነትን በማስጠበቅ ሕዝቡን የመጠበቅ ስራ ተሠርቷል፡፡ በቀጣይ ሕዝቡ በተመሳሳይ በነጻ የስልክ መስመር 8482 በመደወል ብልሹ የምግብ የአመራረት ሥራዎችን ሲያገኝ በቅርቡ ለሚገኝ የጤና ተቆጣጣሪ ወይም ለባሥልጣን መስሪያ ቤቱ እንዲያሳውቅ ያሳስባል፡፡ 

 

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.