Welcome to FMHACA

የኢጋድ አባል ሀገራት የተጀመረው  የመድኃኒት ቁጥጥር ፕሮጀክት ከአጋር ድርጅቶች  ድጋፍ እንደ ሚያስፈልገው ተገለጸ፡፡

 

በኢጋድ አባል ሀገራት የመድኃኒት ቁጥጥርን በማቀናጀት ጥራትና ደህንነታቸው የተጠበቁ መድኃኒቶችን ለህዝቦቻቸው እንዲቀርብ ለማድረግ በኢትዮጵያ አዘጋጅነት አዲስ አበባ ላይ እ.ኤ.አ ኦገስት  2015 የተጀመረ ሲሆን እንዲሁም በ2016 በካርቱም በመገናኘት በቀጠናው የተቀናጀ እና የተናበበ የቁጥጥር አሠራሮች ፣ መሥፈርቶች እና ደንቦች እንዲኖሩ በማድረግ በሥፋት እና በጥራት መድኃኒት ለህዝባቸው እንዲደርሥ ለማድረግ ሲሰሩ መቆየታቸው ይታወቃል፡፡
በመሆኑም ለ3ኛ ጊዜ የተዘጋጀው የአባል ሀገራቱ የመድኃኒት ተቆጣጣሪ አካላት ስብሰባ ከሀምሌ 25-27/2009 ዓ.ም አዲስ አበባ ሂልተን ሆቴል የተደረገ ሲሆን ትኩረቱን አድርጎ የተዘጋጀው የቅንጅታዊ አሰራር ፣የተዘጋጀ ፕሮግራም እና ፕሮፖዛል ትክክለኝነት የማረጋገጥ የማጽደቅ ስራ ለመስራት እንደሆነ ታውቋል፡፡
በመክፈቻ ፕሮግራሙ ላይ የኢፊዲሪ የጤና ጥበቃ ሚኒስቴር ሚንስትርን ወክለው የተገኙት ዶክተር እሸቱ ከበደ እንደገለጹት በአለም አቀፍ ደረጃ ህገወጥ  ንግድ ውስጥ እየታዩ ያሉ ፈዋሽነታቸው ያልተረጋገጡ፣ ከደረጃ በታች የሆኑ እና አደገኛ መድኃኒቶች ለቀጠናው አባል ሀገራትና ህዝቦቻቸው ዋንኛ  ችግር እንደሆኑ ገልጸዋል፡፡ በመቀጠልም አለምአቀፍ አጋር ድርጅቶች ይሄንን ለማስቆም በኢጋድ አባል ሀገራት የተጀመረው የመድኃኒት ተቆጣጣሪዎች የጋራ አሰራርን እንዲያግዙ ጥሪ አስተላልፈዋል፡፡
በሦሥቱ ቀናት በቀረቡት ሰነዶች ላይ ውይይት  የተደረገ ሲሆን የኢጋድ የጤና እና የማህበራዊ ልማት ተጠባባቂ ዳይሬክተር ዶ/ር ፋጡማ አደን እንደገለጹት ከተወያዮቹ ረቂቅ ፕሮፖዛሉን ለማዳበር የሚያስችል ግብአት መገኘቱን በመግልጽ፤ ፕሮፖዛሉ  ለሀገራት ተቆጣጣሪ ሀላፊዎች አስተያየት እንዲሰጡበት እና እንዲያጸድቁት እንደሚላክ አስታውቀዋል፡፡

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.