Welcome to FMHACA

የመጠቀሚያ ጊዜ ያለፈባቸው ጥሬ እቃዎችን በመጠቀም ጁሶች፣ ቪንቶ እና አቸቶ ሲያመርት የነበረ ድርጅት በቁጥጥር ሥር ዋለNew

የመጠቀሚያ ጊዜ ባለፈባቸው ጥሬ እቃዎችን በመጠቀም ጁሶች፣ቪንቶ እና አቸቶ እያመረተ በአዲስ አበባ እና አዲስ አበባ ዙሪያ ባሉ ከተሞች አምርቶ በማከፋፈል ላይ የነበረ አህመዲን ሻፊ አደም የተባለ የምግብ ማቀነባበሪያ ኃ/የ/የግል ድርጅት በኮልፌ ክፍለ ከተማ ልዩ ስሙ ሎሚ ሜዳ በሚባለው አካባቢ በባለስልጣን መስሪያቤቱ ልዩ አሳሽ ቡድን እና በተቆጣጣሪዎች በቁጥጥር ስር በማዋል እንዳያመርት ታገደ፡፡

የድንገተኛ የድህረ ገበያ ቁጥጥር ኢንስፔክተሮች እንደ ገለጹት በቁጥጥር ስር የዋለው አሪፍ የማንጎ ጁስ፣ ፐርፌክት ኮምጣጤ፣ ዴሊሸስ ቪንቶን እና አማሮ ቪንቶን የሚል ስም ያላቸው ምርቶችን እያመረተ አዲስ አበባ በሚገኙ ትልልቅ የመንግስት እና የግል ሆስፒታሎች በር እንዲሁም በሱቆች እና ወደ ቢሾፍቱ ከተማ በመውሰድ እንደሚያከፋፍል በቁጥጥር ተደርሶበታል፡፡
እነዚህ ምርቶች ጊዜ ባለፈባቸው ጥሬ እቃዎች ከመመረታቸው ባለፈ  ድርጅቱ ምርቶቹን የሚያመርተው ንፅህናውን ባልጠበቀ ሁኔታ እና በቆርቆሮ በተሰራ ክፍል ውስጥ በመሆኑ፤ ምንም አይነት የፓዘቸራይዜሽን ስርዓት የሌለው እና ለማንጎ ጁስ አስፈላጊ የሆነው ዋና ጥሬ ዕቃ  እና ማሽኖች ሳይኖሩት  ማንጎ ፍሌቨር ብቻ በመበጥበጥ ነገር ግን  ናቹራል ፍሩት ጁስ ተብሎ ህብረተሰቡን በማታለል በህገወጥ መንገድ  ወደ ገበያ በማሰረጨቱ እንዲሁም ስለ ምርቱ ተክክለኛ መረጃ የማይሰጥ ገላጭ ጽሑፍ በመጠቀም የህዝቡን ጤና  አደጋ ላይ በሚጥል ሁኔታ በማምረት ላይ እያለ በቁጥጥር ስር በማዋል ድርጅቱን ማሸግ ተችሏል::
ድርጅቱ የሚያመርታቸው ምርቶች የመልካም አመራረት ስርዓትን፤ የባለስልጣን ማስሪያቤቱን መመሪያና ደንብ ያልተከተለ እና በምርቱ ደህንነትና ጥራት ላይ ችግር የሚፈጥር  በመሆኑ ባለስልጣን መስሪያ ቤቱ   አሪፍ ማንጎ ፊሩት ድሪንክ፤ ፐርፌክት ኮምጣጤ፤ ዲልሽየስ ቬንቶን እና አሮማ ቬንቶን ህብረተሰቡ እንዳይጠቀም አስታውቋል፡፡
በመሆኑም በህግ ቁጥጥር ስር የዋሉት ጁሶች እና የቪንቶ ምርቶች በተለይ ህሙማን ህጻናት እና ወላድ እናቶች በአጠቃላይ  ህብረተሰቡ ከፍተኛ የጤና መቃወስ ሊያስከትሉ የሚችሉ እና በሀገርም ላይ የሚያስከትሉት ኢኮኖሚያዊንና ማህበራዊ ተጽኖ ቀላል እንዳልሆነ  በማስታዎስ፤ ባለስልጣን መስሪያቤቱ ተገቢውን ቁጥጥር እና ክትትል እያደረገ እንደሆነ እንዲሁም ህብረተሰቡም የህገወጥ የምግብ የመድኃኒት እና የጤና አገልግሎቶችን ለመከላከል በአቅራቢያው ከሚገኙ ተቆጣጣሪ እና የፍትህ አካላት እንዲሁም በፌዴራል ደረጃ ለባለስልጣን መስሪያቤቱ በነጻ የስልክ መስመር በ8482/8864 ጋር በመተባበር መስራት እናዳለበት አሳስበዋል:: 
የኢትዮጵያ የምግብ የመድኃኒት እና የጤና ክብካቤ አስተዳደር እና ቁጥጥር ባለስልጣን፡፡

 

 

 

 

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.