Welcome to FMHACA

የጤና ቁጥጥሩ ሴክተር 2009 በጀት ዓመት ግምገማ ተጠናቀቀ

ከ29/12/2009 እስከ 3/13/2009 ለሦስት ቀናት በቤንሻንጉል ጉምዝ ብሔራዊ ክልላዊ መንግሥት በአሶሳ ከተማ ሲካሄድ የነበረው ዓመታዊ የጤና ቁጥጥር ሴክተር የ2009 በጀት ዓመት የዕቅድ አፈጻጸም ግምመገማ ተጠናቀቀ፡፡

የባለስልጣን መሥሪያቤቱ ዋና ዳይሬክተር አቶ የሁሉ ደነቀው በሰጡት  የቀጣይ በጀት ዓመት የጤና ቁጥጥሩ ሴክተር አቅጣጫ እንደገለጹት የጤና ቁጥጥር ሥራ ሕዝብን የመታደግ ሥራ በመሆኑ በጤና ቁጥጥር የለውጥ ሰራዊት በመገንባት ተጨባጭ ለውጥ ማምጣት እንደሚያስፈልግ እና በአመለካከት የቁልፍ ተግባር አድርጎ መውሰድ እንደሚገባ አሳስበዋል፡፡ በማያያዝም ለውጥ ሰራዊት ግቡ ውጤት ማምጣት እንደሆነ ገልጸዋል፤ ሕብረተሰቡን የቁጥጥር ባለቤት ማድረግ አስፈላጊ ስለሆነ በአምስት ዓመቱ የትራንስፎርሜሽን እቅድ የተቀመጡ ስልቶችን መጠቀም እንዳለበት አስታውቀዋል፡፡
በተጨማሪም የሕገወጥና ፀረ ኮንትሮባንድ ኮማንድ ፖስት እንዲጠናከር ማድረግና የቁጥጥር ሥራዎችን በጋራ ማከናወን እንዲሁም በዋና መስሪያቤት፣ ቅርንጫፍ ጽ/ቤቶች እና ክልሎች በጋራ የኦዲቲንግ ኢንስፔክሽን መሠራት እንዳለበት በተለይ ከባለድርሻ አካላት ጋር የተሠሩ ስራዎች ውጤት በመመዘን በቀጣይ ተጠናክሮ በቅንጅት መሥራት ውጤታማ እንደሚያደርግ  አስታውቀዋል፡፡ በመቀጠልም ሕገወጥ የምግብና የመድኃኒት መቆጣጠር በቀላሉ የሚታይ እንዳልሆነና በሃገር ደህንነት ላይ ችግር ሊፈጥር እንደሚችል ታሳቢ መደረግ እንደሚገባ ገልጸዋል፡፡ 
በጉባዔው የጤናው ቁጥጥር በሠራዊት ግንባታ እንቅስቃሴ፣ በዋና ዋና ተግባራት አፈጻጸም ስር፣ የምግብ፣ የመድኃኒት የህገወጥ ንግድና ሌሎች የጤና አገልግሎት ቁጥጥር እንዲሁም በትንባሆ እና በህብረተሰብ እርካታ ዙሪያ ጥናታዊ ጽሑፎች የቀረቡ ሲሆን በተሰብሳቢዎች ውይይት ተደርጎባቸዋል፡፡
በአጠቃላይ በምግብ፣ በመድኃኒትና የጤና አገልግሎት ቁጥጥር ዙሪያ ክልሎች ያላቸው ጠንካራ ጎን እና ያጋጠማቸው ችግሮች በውይይት ወቅት የተነሳ ሲሆን፤ በተለይ የክልል ተሳታፊዎች እንደገለጹት መድረኩ እርስ በእርስ ልምድ እንዲለዋወጡ እድል እንደፈጠረላቸው ገልጸዋል፡፡

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.