Welcome to FMHACA

10164.8 ቶን ምግብ እና 24.4 ሚሊዮን ብር የሚገመት የአገልግሎት የመጠቀሚያ ጊዜ ያለፈባቸውና ሕገወጥ የሆኑ መድኃኒቶች በቁጥጥር ሥር በማዋል ጥቅም ላይ እንዳይውሉና በአግባቡ እንዲወገዱ ተደረገ፡፡ New

የኢትዮጵያ የምግብ የመድኃኒት እና የጤና ክብካቤ አስተዳደር እና ቁጥጥር ባለሥልጣን በሕገወጥ መንገድ ወደ ሀገር ውስጥ ሊገቡ የነበሩ የምግብ፣ የመድኃኒት፣ የህክምና መሳሪያዎች ፣ የውበት መጠበቂያ እና የጽዳት ግብአቶችን የመጠቀሚያ ግዜው ያለፈባቸው ፣ ደህንነታቸው ፣ ጥራታቸው  ያልጠበቁ እና  አስፈላጊውን መስፈርት ሳያሟሉ ወደ ሀገር ውስጥ ሲገቡ እንዲሁም በገበያ ላይ ሲሸጡ  ሥላገኛቸው በቁጥጥር ሥር በማዋል በህብረተሰቡ ላይ ከፍተኛ የጤና ጉዳት ከማስከተላቸው በፊት  እርምጃ መወሰዱን አስታወቀ፡፡
ከባለሥልጣን መሥሪያቤቱ የስድስት ወር የእቅድ አፈፃፀም በተገኘ መረጃ መሰረት 54 የምግብ እና የመድኃኒት አምራችና አስመጪ አከፋፋይ ተቋማት ላይ ፈቃድ የማስመለስ፣ የዕገዳ እና እሸጋ እና የጽሑፍ ማስጠንቀቂያ እርምጃ ተወሰዷል፡፡

በተጨማሪም 6.8 ቢሊዮን ብር የሚያወጣ መድኃኒት፣ የህክምና መሳሪያዎች፣ 553.5  ሚሊዮን  ብር የውበትና የንጽህና መጠበቅያ ምርት እንዲሁም 1,045,696.68 ቶን ምግብ ፣ የምግብ ጥሬ እቃዎች  የጤና  ቁጥጥር በማድረግ  ወደ ሀገር ውስጥ እንዲገቡ የተደረገ ሲሆን  10164.8 ቶን ምግብ እና 24.4 ሚሊዮን ብር  የሚያወጣ መድኃኒት  አስፈላጊውን  ጥራት መስፈርት እና ደረጃቸውን ባለሟላታቸው  ምርቶችን  በቁጥጥር ሥር በማዋል እንዲወገዱ ተደርገዋል፡፡
በቁጥጥር ስር የዋሉት ምርቶች ህብረተሰቡ  ዕለት በዕለት የሚጠቀምባቸው እንደ  ስኳር ፣ ዱቄት፣ ዘይት፣ ብስኩት፣ ጁስ፣ ሩዝ፣ ወተትና ሌሎች የምግብ ጥሬ እቃ እንደሚገኙበት ታውቋል ፡፡
በአጠቃላይ በበጀት ዓመቱ ለባለሥልጣን መስሪያ ቤቱ የነፃ ስልክ መስመር በ8482 በመጡ 9010 ጥቆማዎች ፣ በመግቢያና መውጫ ኬላዎች በተደረገ ቁጥጥር እና በህዝብ ተሳትፎ በተያዙት የምግብና የመድኃኒት ምርቶች ላይ እርምጃ መወሰዱ ተገልጿል፡፡

 

 

 

 

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.