Welcome to FMHACA

የባለሥልጣን መስሪያ ቤቱ ከክልል ተቆጣጣሪ አካላት ጋር ግምገማዊ ውይይት አካሄደ፡፡

የኢትዮጵያ የምግብ የመድኃኒትና የጤና ክባካቤ አስተዳደርና ቁጥጥር ባለሥልጣን ከክልል ተቆጣጣሪ አካላት ጋር የ2010 በጀት ዓመት የስድስት ወር የጤና ቁጥጥር ዘርፍ እቅድ አፈፃፀም ዙሪያ ለሁለት ተከታታይ ቀናት በአዳማ ከተማ በኩሪፍቱ ሆቴል ግምገማዊ ውይይት አካሄደ፡፡

 

የመክፈቻ ንግግር ያደረጉት የባለሥልጣን መ/ቤቱ ዋና ዳይሬክተር አቶ የሁሉ ደነቀው እንደገለፁት የለውጥ ሠራዊት ግንባታን እንደ ቁልፍ ተግባር በመውሰድ በሠራዊት በመንቀሳቀስ ችግሮችን መፍታት የጤና ቁጥጥር ግቦችን ለማሳካት አስፈላጊ መሆኑን ገልፀዋል፡፡
በዕለቱ ከፌዴራል እስከ ክልል፤ ክልሎች ከዞንና ከወረዳዎች ጋር ያላቸው ቅንጅታዊ አሠራር፤ የትምባሆ ቁጥጥር፣ ህገወጥ ምግብና መድኃኒት ቁጥጥር፣ የጤና ተቋማት ጥራት፣ የጤና ባለሙያዎች ስነምግባር ቁጥጥር እንዲሁም በስድስት ወር የተከናወኑ የለውጥና የመልካም አስተዳደር ለማስፈን የተሰሩ ዋና ዋና ተግባራት ሰፊ ውይይት ተደርጎበታል፡፡
በመቀጠልም የባለሥልጣን መ/ቤቱ ዋና ዳይሬክተር እንደገለፁት ያለሠራዊት ግንባታ የጤና ቁጥጥር ሥራ የማይታሰብ መሆኑን እና በሠራዊት በመደራጀት እንዲሁም የህዝብ ወገንተኝነትን በማስቀደም በስድስት ወር ዕቅድ አፈፃፀም የኦሮሚያ፣ አማራ፣ ድሬዳዋ፣ ሐረሪ እና አዲስ አበባ ተቆጣጣሪ አካላት የተሰሩ ስራዎች ጥሩ በመሆናቸው ልምድ በመቀመር ለሌሎች ማካፈል እንደሚገባ እና ህዝቡን የቁጥጥሩ ባለቤት ማድረግ አስፈላጊ መሆኑን አስታውቀዋል፡፡
በመጨረሻም የለውጥ ሰራዊት ግንባታ ስራዎች እና ቅንጅታዊ አሰራርን በማጠናከር ኦዲትን መሰረት ያደረገ ቁጥጥር፣ የህገወጥ የምግብ የመድኃኒትና የጤና አገልግሎት ቁጥጥር እንዲሁም ተቋዋማት የውስጥ ጥራት እንዲያረገግጡ ማድረግ ለቀጣይ 6 ወር ከፌደራል እና በክልል ደረጃ አሁንም ትኩረት በመስጠት መሰራት እንዳለበት በውይይት ወቅት የጋራ መግባባት ላይ በመድረስ ስብሰባው ተጠናቋል፡፡

 

Comments / Feedback  •   • 

Note: To view, save/download, or print the following files, you must have Adobe Acrobat Reader installed on your computer.
Click here to download Adobe Acrobat Reader.